ഗൊരഖ്പൂര്‍: മുഖ്യമന്ത്രി യോഗി ആദിത്യനാഥിന്റെ മണ്ഡലത്തിലെ ബിആര്‍ഡി ആശുപത്രിയില്‍ വീണ്ടും ശിശുമരണം. കഴിഞ്ഞ 24 മണിക്കൂറിനുള്ളില്‍ മരിച്ചവരുടെ എണ്ണം 16 ആയി. 10 കുട്ടികള്‍ നിയോനെറ്റ് ഐസിയുവിലും 6 കുട്ടികള്‍ പീഡിയാട്രിക്ക് ഐസിയുവിലുമാണ് മരിച്ചത്.

ശിശുമരണം ഇനിയും വര്‍ധിക്കുമെന്നാണ് റിപ്പോര്‍ട്ടുകള്‍. ജപ്പാന്‍ജ്വരമാണ് മരണകാരണമെന്നാണ് സര്‍ക്കാര്‍ പറയുന്നത്. ജപ്പാന്‍ ജ്വരത്തെ തുടര്‍ന്ന് യുപിയിലെ മൂന്ന് ഡസന്‍ കുട്ടികളാണ് ബിആര്‍ഡി ആശുപത്രിയില്‍ കഴിഞ്ഞ ദിവസം പ്രവേശിപ്പിച്ചത്. ഇതില്‍ അഞ്ച് പേര്‍ ബീഹാര്‍ സ്വദേശികളാണ്. ഈ വര്‍ഷം മാത്രം ജപ്പാന്‍ ജ്വരത്ത തുടര്‍ന്ന് 1470 കുട്ടികളെയാണ് ആശുപത്രിയില്‍ പ്രവേശിപ്പിച്ചതെന്നും ഇതില്‍ 310 കുട്ടികള്‍ മരിച്ചതായും ആശുപത്രി അധികൃതര്‍ പറയുന്നു. 

ബി ആര്‍ഡി മെഡിക്കല്‍ കോളേജില്‍ ഓക്‌സിജന്‍ കിട്ടാത്തതിനെ തുടര്‍ന്ന് 66 കുട്ടികള്‍ മരിച്ചിരുന്നു.