ന്യൂഡല്‍ഹി: തങ്ങള്‍ അംബേദ്കര്‍ തെളിച്ച പാതയിലൂടെയാണ് സഞ്ചരിക്കുന്നതെന്ന് പ്രധാനമന്ത്രി നരേന്ദ്ര മോദി. അദ്ദേഹത്തിന്റെ ആദര്‍ശങ്ങള്‍ സമാധാനവും കൂട്ടായ്മയുമായിരുന്നുവെന്നും മോദി പറഞ്ഞു. ദരിദ്രരില്‍ ദരിദ്രരായവര്‍ക്ക് വേണ്ടി പ്രയത്‌നിക്കുന്നതാണ് തങ്ങളുടെ ദൗത്യമെന്നും മോദി പറഞ്ഞു.
പട്ടിജാതി-പട്ടികവര്‍ഗ പീഡന നിയമം ലഘൂകരിക്കുന്ന സുപ്രീംകോടതി വിധിക്ക് പിന്നാലെ ദളിത് സംഘടനകള്‍ നടത്തിയ ഭാരത് ബന്ദ് ആക്രമണത്തില്‍ കലാശിക്കുകയും പതിനാല് മരണങ്ങള്‍ സംഭവിക്കുയും ചെയ്തതിന്റെ പശ്ചാതലത്തിലാണ് പ്രധാനമന്ത്രിയുടെ പ്രതികരണം വന്നിരിക്കുന്നത്.
വെസ്‌റ്റേണ്‍ കോര്‍ട്ട് അനക്‌സിന്റെ പുതിയ കെട്ടിടം ഉദ്ഘാടനം ചെയ്തുകൊണ്ടു സംസാരിക്കുകയായിരുന്നു മോദി. അബേദ്കറിന്റെ പാരമ്പര്യം ഉയര്‍ത്തിപ്പിടിക്കാന്‍ തന്റെ സര്‍ക്കാര്‍ ശ്രമിക്കുന്നതുപോലെ ആരും ശ്രമിച്ചിട്ടില്ലെന്നും മോദി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ