ഷില്ലോംഗ്: മേഘാലയത്തിലെ ബിജെപി മന്ത്രിയുടെ മകൻ ഓടിച്ച ആഡംബര കാർ ഇടിച്ച് പൊലീസ് കോൺസ്‌റ്റബിൾ മരിച്ചു. മേഘാലയ മന്ത്രിയായ അലക്‌സാണ്ടർ ഹേക്കിന്റെ മകന്റെ കാറാണ് കോൺസ്‌റ്റബിൾ പ്രൊബത് മരാക്കിന്റെ ജീവനെടുത്തത്. ഇയാൾക്കൊപ്പമുണ്ടായിരുന്ന മറ്റൊരു പൊലീസുകാരനായ പ്രൊബിൻ സാംഗ്മയ്‌ക്ക് ഗുരുതരമായി പരിക്കേറ്റിട്ടുണ്ട്.

പൊലീസുകാർ ഓടിച്ചിരുന്ന ബൈക്കിൽ മന്ത്രി പുത്രന്റെ ബെൻസ് കാർ വന്നിടിക്കുകയായിരുന്നു. പരിക്കേറ്റവരെ ഉടൻ ആശുപത്രിയിൽ എത്തിച്ചെങ്കിലും പ്രൊബതിന്റെ ജീവൻ രക്ഷിക്കാനായില്ല.

സംഭവത്തെക്കുറിച്ച് അന്വേഷണം ആരംഭിച്ചതായി മോട്ടോർ വാഹന വകുപ്പ് അറിയിച്ചു. മന്ത്രിയുടെ മകനാണെന്ന പരിഗണനയൊന്നും നൽകാതെ തന്റെ മകനെതിരെ സ്വതന്ത്രമായ അന്വേഷണം നടക്കുമെന്ന് അലക്‌സാണ്ടർ ഹേക്ക് പറഞ്ഞു.