ന്യൂഡല്‍ഹി : പ്രധാനമന്ത്രി നരേന്ദ്രമോദിക്ക് രാഷ്ട്രീയ വനവാസത്തിന് സമയമായെന്ന് കോണ്‍ഗ്രസ്. മോദി ദുര്‍ബലനും പരാജിതനുമായ പ്രധാനമന്ത്രിയാണ്. ഉപവാസം നടത്തി നിസ്സഹായത പ്രകടിപ്പിക്കുന്നതിന് പകരം രാഷ്ട്രീയ വനവാസത്തിന് തയ്യാറെടുക്കാന്‍ കോണ്‍ഗ്രസ് നേതാവ് രണ്‍ദീപ് സുര്‍ജേവാല അഭിപ്രായപ്പെട്ടു.
അവിശ്വാസപ്രമേയം കൊണ്ടുവരുന്നതില്‍ നിന്ന് പ്രതിപക്ഷത്തെ തടയാനായിരുന്നു പാര്‍ലമെന്റ് സ്തംഭന നാടകം. പാര്‍ലമെന്റ് സ്തംഭിപ്പിച്ച ബിജെപി രാജ്യം നേരിടുന്ന പ്രധാന പ്രശ്‌നങ്ങളില്‍ നിന്നെല്ലാം ഒളിച്ചോടുകയാണെന്നും കോണ്‍ഗ്രസ് മാധ്യമവിഭാഗം തലവന്‍ കൂടിയായ സുര്‍ജേവാല കുറ്റപ്പെടുത്തി.
പാര്‍ലമെന്റ് സ്തംഭനത്തില്‍ പ്രതിഷേധിച്ച് ബിജെപി ഉപവാസ സമരം നടത്തുന്നതിനെ പരിഹസിച്ചാണ് കോണ്‍ഗ്രസ് രംഗത്തെത്തിയത്. കേന്ദ്രസര്‍ക്കാരിനെതിരെ രാഹുല്‍ ഗാന്ധിയുടെ നേതൃത്വത്തില്‍ രാജ്ഘട്ടില്‍ കോണ്‍ഗ്രസ് ഉപവാസം നടത്തിയതിന് ബദലാണ് ബിജെപിയുടെ സമരം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ