ഭോപ്പാല്‍: സംസ്ഥാനത്ത് 2000ത്തിന്റെ നോട്ടുകള്‍ കിട്ടാനില്ലെന്ന് മധ്യപ്രദേശ് മുഖ്യമന്ത്രി ശിവരാജ്‌സിംഗ് ചൗഹാന്‍. ഇതിന് പിന്നാല്‍ ഗൂഢാലോചനയുണ്ടെന്നും മുഖ്യമന്ത്രി  പറഞ്ഞു. 

നോട്ട് നിരോധനത്തിന് മുന്‍പായി സംസ്ഥാനത്ത് 15 ലക്ഷം കോടിയുടെ ഇടപാടുകളാണ് വിപണിയില്‍ നടന്നത്. പിന്നാലെ വന്ന നോട്ടുനിരോധനത്തിന് ശേഷം ഇത് 16ലക്ഷത്തിഅന്‍പതിനായിരം  കോടിയായി ഉയര്‍ന്നു. എന്നിട്ടും സംസ്ഥാനത്ത് 2000 രൂപയുടെ നോട്ടുകള്‍ കിട്ടാനില്ലെന്നാണ് മുഖ്യമന്ത്രി പറയുന്നത്. 

എവിടെയ്ക്കാണ് 2000ത്തിന്റെ നോട്ടുകള്‍ പോകുന്നത്. വിതരണം ചെയ്യപ്പെട്ട നോട്ടുകള്‍ ആരുടെ കൈകളിലാണ്. ഇതിന് പിന്നില്‍ ഗൂഢാലോചനയുണ്ടെന്നും സര്‍ക്കാര്‍ നടപടി സ്വീകരിക്കണമെന്നും മുഖ്യമന്ത്രി പറഞ്ഞു. ഇക്കാര്യം കേന്ദ്രസര്‍ക്കാരിന്റെ ശ്രദ്ധയില്‍പ്പെടുത്തുമെന്ന് ശിവരാജ് സിങ് ചൗഹാന്‍ വ്യക്തമാക്കി