ജാര്‍ഖണ്ഡ് : യാത്രയ്ക്കിടയില്‍ സ്‌കൂട്ടി കേടായപ്പോള്‍ സഹായം അഭ്യര്‍ത്ഥിച്ച പ്രായപൂര്‍ത്തിയാകാത്ത പെണ്‍കുട്ടികളെ പതിനൊന്നംഗ സംഘം കൂട്ടബലാത്സംഗം ചെയ്തു. ജാര്‍ഖണ്ഡിലെ ലൊഹാര്‍ഗഡിലാണ് സംഭവം.
പെണ്‍കുട്ടികളുടെ പരാതിയെ തുടര്‍ന്ന് പ്രതികളെ പൊലീസ് അറസ്റ്റ് ചെയ്തു. 18 നും 28 നും ഇടയില്‍ പ്രായമുള്ളവരാണ്പിടിയിലായത്. ഇവരിലൊരാളുടെ വീട്ടില്‍ നിന്ന് പെണ്‍കുട്ടികളുടെ മൊബൈല്‍ ഫോണുകള്‍ പൊലീസ് കണ്ടെടുത്തു.
വണ്ടി ബ്രേക്ക് ഡൗണായതിനെ തുടര്‍ന്ന് വഴിയില്‍ കണ്ട യുവാവിനോട് പെണ്‍കുട്ടികള്‍ സഹായം അഭ്യര്‍ത്ഥിച്ചു. ഉടന്‍ തന്നെ സഹായത്തിനെന്ന വ്യാജേനെ ഇയാള്‍ സുഹൃത്തുക്കളെ വിളിച്ച് വരുത്തി പെണ്‍കുട്ടികളെ ഉപദ്രവിക്കുകയായിരുന്നു. സംഭവത്തില്‍ അന്വേഷണം പുരോഗമിക്കുകയാണ് എന്ന് സദര്‍ പൊലീസ് അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ