ന്യൂഡല്‍ഹി: അഞ്ചു സംസ്ഥാനങ്ങളിലേക്ക് നടക്കുന്ന നിയമസഭാ തെരഞ്ഞെടുപ്പിന്റെ ആദ്യഫല സൂചനകളില്‍ കോണ്‍ഗ്രസിന് മുന്‍തൂക്കം. രാജസ്ഥാനില്‍ നാലിടത്ത് കോണ്‍ഗ്രസ് മുന്നിട്ടുനില്‍ക്കുന്നു. പോസ്റ്റല്‍ ബാലറ്റുകളാണ് ഇപ്പോള്‍ എണ്ണുന്നത്. 

മധ്യപ്രദേശില്‍ ബിജെപിയും കോണ്‍ഗ്രസും തമ്മില്‍ ഇഞ്ചോടിഞ്ച് പോരാട്ടമാണ് നടക്കുന്നത്. തെലുങ്കാനയില്‍ ടിആര്‍എസും കോണ്‍ഗ്രസും ഒപ്പത്തിനൊപ്പമാണ്. അതേസമയം ഛത്തീസ്ഗഡില്‍ ബിജെപിക്കാണ് മുന്‍തൂക്കം. 

രാജസ്ഥാനില്‍ 199, മധ്യപ്രദേശില്‍ 230, തെലങ്കാനയില്‍ 119, ഛത്തീസ്ഗഡില്‍ 90, മിസോറാമില്‍ 40 നിയമസഭ സീറ്റുകളിലേക്കാണ് വോട്ടെടുപ്പ് നടന്നത്. രാജസ്ഥാന്‍, മധ്യപ്രദേശ്, ഛത്തീസ്ഗഡ്‌ സംസ്ഥാനങ്ങള്‍ ഭരിക്കുന്നത് ബിജെപിയാണ്. തെലങ്കാന കെ ചന്ദ്രശേഖര റാവുവിന്റെ തെലങ്കാന രാഷ്ട്രസമിതിയും (ടിആര്‍എസ്), മിസോറാം കോണ്‍?ഗ്രസുമാണ് ഭരിക്കുന്നത്. 

രാജസ്ഥാനില്‍ മുഖ്യമന്ത്രി വസുന്ധര രാജെ സിന്ധ്യ, കോണ്‍ഗ്രസിലെ സച്ചിന്‍ പൈലറ്റ്, അശോക് ഗെഹലോട്ട് എന്നിവരാണ് ജനവിധി തേടുന്ന പ്രമുഖര്‍. മധ്യപ്രദേശില്‍ മുഖ്യമന്ത്രി ശിവരാജ് സിംഗ് ചൗഹാന്‍, ഛത്തീസ് ഗഡില്‍ മുഖ്യമന്ത്രി രമണ്‍ സിംഗ്, തെലങ്കാനയില്‍ ചന്ദ്രശേഖര റാവു എന്നിവര്‍ വീണ്ടും ജനവിധി തേടുന്ന പ്രമുഖരില്‍പ്പെടുന്നു. ലോക്‌സഭാ തെരഞ്ഞെടുപ്പിന്റെ ടെസ്റ്റ് ഡോസ് എന്ന നിലയില്‍ തെരഞ്ഞെടുപ്പ് ഫലം മോദി സര്‍ക്കാരിനും നിര്‍ണായകമാണ്.