അഗര്‍ത്തല: ത്രിപുരയില്‍ എസ്എഫ്‌ഐ സംസ്ഥാന പ്രസിഡന്റും ദേശീയ വൈസ് പ്രസിഡന്റുമായ നിലഞ്ജന റോയിക്ക് നേരെ സംഘപരിവാര്‍ ആക്രമണം. തിങ്കളാഴ്ച വൈകുന്നേരം ബിജെപി-സംഘപരിവാര്‍ പ്രവര്‍ത്തകര്‍ നിലഞ്ജനക്കും മാതാവിനും നേരേ ആക്രമണം നടത്തുകയായിരുന്നുവെന്ന് സിപിഎം ആരോപിച്ചു.
ബങ്കുമാരിയിലെ വീട്ടില്‍ അതിക്രമിച്ചു കയറിയാണ് ഒരു സംഘം നിലഞ്ജനയെ ആക്രമിച്ചത്. വീട്ടിലുണ്ടായിരുന്ന അമ്മയ്ക്കും മറ്റു അംഗങ്ങള്‍ക്കും മര്‍ദനമേറ്റു. 25 വര്‍ഷത്തെ ഇടത് ഭരണം അവസാനിപ്പിച്ചതിന് പിന്നാലെ ത്രിപുരയില്‍ സിപിഎം പ്രവര്‍ത്തകര്‍ക്ക് നേരെ കടുത്ത ആക്രമണമാണ് ബിജെപി അഴിച്ചുവിടുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ