ന്യൂഡല്ഹി : കേന്ദ്രസര്ക്കാരില് ഐഎഎസ് മേധാവിത്വത്തിന് തിരിച്ചടി നല്കി പ്രമുഖ മന്ത്രാലയങ്ങളില് ജോയിന്റ് സെക്രട്ടറി തലത്തില് പുറമേ നിന്ന് വിദഗ്ധന്മാരെ നിയമിക്കുന്നതിന് കേന്ദ്രസര്ക്കാര് അപേക്ഷ ക്ഷണിച്ചു. ഇതുവരെ മുതിര്ന്ന ഐഎഎസ് ഉദ്യോഗസ്ഥന്മാര് മാത്രമാണ് ജോയിന്റ് സെക്രട്ടറി പദവി വഹിച്ചിരുന്നത്. 10 വിദഗ്ധന്മാരെ ജോയിന്റ് സെക്രട്ടറി തലത്തില് നിയമിക്കാനാണ് കേന്ദ്ര സര്ക്കാര് അപേക്ഷ ക്ഷണിച്ചിരിക്കുന്നത്.
റവന്യൂ, ഫൈനാന്ഷ്യല് സര്വീസസ്, ഇക്കണോമിക് അഫയേഴ്സ്, കൃഷി, സഹകരണം, കര്ഷക ക്ഷേമം, റോഡ് ഗതാഗതം, ഹൈവേ ഷിപ്പിങ്, പരിസ്ഥിതി, വനം, കാലാവസ്ഥാ വ്യതിയാനം, റിന്യൂവബിള് എനര്ജി, സിവില് വ്യോമയാനം, വാണിജ്യം എന്നീ മന്ത്രാലയങ്ങളിലാണ് പുറമേ നിന്ന് വിദഗ്ധന്മാരെ ജോയിന്റ് സെക്രട്ടറിമാരായി നിയമിക്കുന്നത്. അപേക്ഷകര് ഓണ്ലൈനായി ഈ മാസം 15ന് മുമ്പ് അപേക്ഷിക്കണം. വിശദ വിവരങ്ങള് http://Lateral.nic.in -ല് നിന്ന് ലഭിക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ