ഭോപ്പാല്‍: ഹിന്ദുക്കളേയും സനാതന ധര്‍മത്തേയും അവഹേളിച്ച രാഹുല്‍ ഗാന്ധി മാപ്പു പറയണമെന്ന് ബിജെപി ദേശീയ അധ്യക്ഷന്‍ അമിത് ഷാ. 2014ലെ തെരഞ്ഞെടുപ്പില്‍ ഹിന്ദുക്കളെ തീവ്രവാദികള്‍ എന്നു നിരന്തരം വിളിച്ച് രാഹുല്‍ ഗാന്ധിയും കോണ്‍ഗ്രസും ഹിന്ദുക്കളേയും സംസ്‌കാരത്തേയും അപമാനിച്ചുവെന്ന് അമിത് ഷാ ആരോപിച്ചു. ഭോപ്പാലില്‍ മധ്യപ്രദേശില്‍ നിന്നുള്ള പാര്‍ട്ടി പ്രവര്‍ത്തകരെ അഭിസംബോധന ചെയ്ത് സംസാരിക്കുകയായിരുന്നു അമിത് ഷാ.
മെക്കാ മസ്ജിദ് കേസില്‍ അസീമാനന്ദയുള്‍പ്പെടെയുള്ളവര്‍ക്കതിരെ ഹൈദരബാദ് കോടതി നടപടിയായരംഭിച്ചത് രാഷ്ട്രീയ പ്രേരിതമായിരുന്നുവെന്നും അമിത് ഷാ പറഞ്ഞു.
രാഹുല്‍ ഗാന്ധി മാപ്പ് പറയുകയില്ല. അതുകൊണ്ട് രാജ്യത്തെ ജനങ്ങളെ വിഭജിക്കാന്‍ ശ്രമിക്കുന്ന കോണ്‍ഗ്രസിനെ പൊതുസമൂഹത്തിന് മുന്നില്‍ തുറന്നുകാട്ടും. കോണ്‍ഗ്രസ് ജാതിയുടെ രപേരില്‍ ജനങ്ങളെ വേര്‍തിരിക്കുകയാണെന്നും അമിത് ഷാ കുറ്റപ്പെടുത്തി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ