ഹൈദരാബാദ്: പ്രധാനമന്ത്രി നരേന്ദ്രമോദി അനാക്കോണ്ടയോട് ഉപമിച്ച് ആന്ധ്രാപ്രദേശ് ധനമന്ത്രി യാന്മല രാമകൃഷ്‌ണേന്ദു. രാജ്യത്തെ എല്ലാസ്ഥാപനങ്ങളെയും അദ്ദേഹം വിഴുങ്ങിക്കഴിഞ്ഞു. സിബിഐയുടെയും ആര്‍ബിഐയുടെയും അവസ്ഥ എല്ലാവരും കണ്ടതാണെന്നും അദ്ദേഹം പറഞ്ഞു.
കോണ്‍ഗ്രസുമായി സഖ്യമുണ്ടാക്കാനുള്ള ടിഡിപി നീക്കത്തെ വിമര്‍ശിക്കുന്നത് അസംബന്ധമാണെന്നും മന്ത്രി പറഞ്ഞു. ടിഡിപി ഏതെങ്കിലും പാര്‍ട്ടിയോടുള്ള എതിര്‍പ്പില്‍ നിന്ന് രൂപം കൊണ്ടതല്ല. ആളുകള്‍ കഴിഞ്ഞകാലത്തെ കുറിച്ച് പറഞ്ഞിട്ടെന്താണ്? അതൊരിക്കലും വര്‍ത്തമാനമോ, ഭാവികാലമോ ആയി മാറുന്നില്ലല്ലോ എന്നും അദ്ദേഹം പറഞ്ഞു.
പ്രധാനമന്ത്രി നരേന്ദ്രമോദിക്കെതിരെ ശശി തരൂരും , ദിവ്യ സ്പന്ദനയും രൂക്ഷ വിമര്‍ശനവുമായി നേരത്തേ രംഗത്തെത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ