ഗൊരഖ്പുര്: ബലാത്സംഗ ശ്രമം ചെറുത്തു നിന്ന ദളിത് യുവതിയെ ജീവനോടെ തീകൊളുത്തി. 35കാരിയായ യുവതിയെ പിന്നീട് 85 ശതമാനവും പൊള്ളലേറ്റ നിലയില് വയലില് നിന്നും കണ്ടെത്തുകയായിരുന്നു. ഉത്തര്പ്രദേശിലെ ഗൊരഖ്പൂരിനടുത്തെ ഭട്നിയിലാണ് സംഭവം.
യുവതിയുടെ നില അതീവ ഗുരുതരമാണ്. യുവതിയുടെ മൊഴിയുടെ അടിസ്ഥാനത്തില് പൊലീസ് കേസെടുത്തു. യുവതിയുടെ മൊഴി മജിസ്ട്രേറ്റ് രേഖപ്പെടുത്തിയിട്ടുണ്ട്. അതേസമയം പ്രതി ഒളിവിലാണ്. ഇയാളെ കണ്ടെത്താനുള്ള ശ്രമം പൊലീസ് ആരംഭിച്ചിട്ടുണ്ട്.
ശനിയാഴ്ച രാവിലെയാണ് നാടിനെ നടുക്കിയ സംഭവമുണ്ടായത്. 35കാരിയും വിധവയുമായ യുവതിയെ വീടനടുത്തുള്ള കൃഷിയിടത്തില് വെച്ച് രാജ്ബര് എന്നയാള് ബലാല്സംഗം ചെയ്യാന് ശ്രമിക്കുകയായിരുന്നു. ചെറുത്തുനിന്ന യുവതിയെ തീകൊളുത്തി ഇയാള് രക്ഷപ്പെട്ടു. രാവിലെ കൃഷിയിടത്തിലെത്തിയ പ്രദേശവാസിയാണ് ഭൂരിഭാഗവും പൊള്ളലേറ്റ നിലയില് യുവതിയെ കണ്ടെത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ