ന്യൂഡല്‍ഹി: മെട്രൊ ട്രെയിനില്‍ മറുന്നുവച്ച ഒരു ലക്ഷം രൂപ അടങ്ങിയ ബാഗ് ഉടമയ്ക്കു തിരിച്ചു നല്‍കി സിഐഎസ്എഫ് ജവാന്‍മാര്‍. ഡല്‍ഹി മെട്രൊ ട്രെയിനില്‍ മറന്നുവച്ച ബാഗ് ആണ് ഉടമയെ കണ്ടെത്തി തിരിച്ചു നല്‍കിയത്.
്ദ്വാരക സ്വദേശിയായ പ്രവീണ്‍ ഝായാണ് ബാഗ് മറന്നുവച്ചത്. ആളില്ലാത്ത ബാഗ് കണ്ട സുരക്ഷാ ഉദ്യോഗസ്ഥര്‍ ആദ്യം പരിഭ്രാന്തരായി. തുറന്നു പരിശോധിച്ചപ്പോള്‍ സംശയകരമായി ഒന്നും കണ്ടില്ല. എന്നാല്‍ ഒരു ലക്ഷം രൂപ പണമായി ബാഗിലുണ്ടായിരുന്നു.
സിസിടിവി ദൃശ്യങ്ങള്‍ പരിശോധിച്ചാണ് ബാഗിന്റെ യഥാര്‍ഥ ഉടമയെ തിരിച്ചറിഞ്ഞത്. പിന്നീട് ഇയാളെ ബന്ധപ്പെട്ട് ബാഗ് തിരികെ ഏല്‍പ്പിക്കുകയായിരുന്നെന്ന് സിഐഎസ്എഫ് എഐജി ഹേമേന്ദ്ര സിങ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ