ന്യൂഡല്ഹി : പൗരത്വ ഭേദഗതി നിയമത്തിനെതിരായ വിദ്യാര്ത്ഥി പ്രതിഷേധങ്ങളെ പിന്തുണച്ച് കോണ്ഗ്രസ് നേതാവ് പ്രിയങ്ക ഗാന്ധി . വിദ്യാര്ത്ഥികളുടെ പ്രക്ഷോഭം ഭരണകൂടത്തിനുള്ള താക്കീതാണ്. പ്രധാനമന്ത്രി വിദ്യാര്ത്ഥികളെ കേള്ക്കാന് തയ്യാറാകണം. പ്രതിഷേധ സമരങ്ങള്ക്ക് പൂര്ണ പിന്തുണ നല്കുന്നതായും പ്രിയങ്ക ഗാന്ധി അറിയിച്ചു.
പൗരത്വ ബില്ലിനെതിരെ ഡല്ഹി ജാമിയ മിലിയ സര്വകലാശാലയിലെയും അലിഗഡ് മുസ്ലിം സര്വകലാശാലയിലെയും വിദ്യാര്ത്ഥികള് നടത്തിയ പ്രക്ഷോഭം വന് തെരുവുയുദ്ധമായി മാറിയിരുന്നു. സംഘര്ഷത്തില് നിരവധി വാഹനങ്ങള് അഗ്നിക്കിരയായി. പ്രതിഷേധക്കാര്ക്ക് നേരെ പൊലീസ് ലാത്തിച്ചാര്ജും കണ്ണീര്വാതകവും പ്രയോഗിച്ചിരുന്നു.
അതിനിടെ ജാമിയ സര്വകലാശാലയില് നിന്നും പൊലീസ് കസ്റ്റഡിയിലെടുത്ത 67 വിദ്യാര്ത്ഥികളെ പുലര്ച്ചെയോടെ പൊലീസ് വിട്ടയച്ചു. ഇതോടെ ഒമ്പതു മണിക്കൂര് നീണ്ട വിദ്യാര്ത്ഥികളുടെ പൊലീസ് ആസ്ഥാനം ഉപരോധം അവസാനിപ്പിച്ചു. എങ്കിലും പൗരത്വ ബില്ലിനെതിരായ പ്രക്ഷോഭം തുടരുമെന്നാണ് വിദ്യാര്ത്ഥികള് വ്യക്തമാക്കിയിട്ടുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ