ദേശീയം
'മോദി സ്ഥാപനങ്ങള്‍ നശിപ്പിക്കുന്നു'വെന്ന് പിഎംഒയുടെ ട്വീറ്റ് ; സെല്‍ഫ് ഗോള്‍ ; ഒടുവില്‍ പ്രധാനമന്ത്രി സത്യം പറഞ്ഞെന്ന് കമന്റുകള്‍
ന്യൂഡല്‍ഹി : കോണ്‍ഗ്രസിന് മറുപടി നല്‍കാനായി പ്രധാനമന്ത്രിയുടെ ഓഫീസ് കുറിച്ച ട്വീറ്റ് സെല്‍ഫ് ഗോളായി. 356-ാം വകുപ്പ് കോണ്‍ഗ്രസ് പലതവണ ദുരുപയോഗം ചെയ്തു. പക്ഷെ മോദി സ്ഥാപനങ്ങളെ നശിപ്പിക്കുന്നു എന്നായിരുന്നു ട്വീറ്റില്‍ കുറിച്ചത്.
ഈ ട്വീറ്റ് ഇട്ടതിന് പിന്നാലെ സോഷ്യല്‍ മീഡിയയില്‍ വൈറലായി. ഇതിന് മറുപടിയായി നിരവധി കമന്റുകളാണ് ട്വീറ്റില്‍ നിറഞ്ഞത്.
ഒടുവില്‍ മോദി സത്യം പറഞ്ഞിരിക്കുന്നു എന്നായിരുന്നു ബഹുഭൂരിപക്ഷം കമന്റുകളും രേഖപ്പെടുത്തിയിട്ടുള്ളത്. അഞ്ചുവര്‍ഷത്തിനിടെ സത്യം പറയാന്‍ ധൈര്യം കാണിച്ച മോദിക്ക് അനുമോദനങ്ങളെന്നും ചിലര്‍ കുറിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ