അഹമ്മദാബാദ്: ശ്രീരാമന്‍ ഹിന്ദുക്കളുടെ മാത്രമല്ല മുസ്ലിങ്ങളുടേയും പൂര്‍വികനാണെന്ന് ബാബ രാംദേവ്. രാമ ക്ഷേത്ര നിര്‍മാണത്തിന് വോട്ട് ബാങ്ക് രാഷ്ട്രീയവുമായി ഒരു ബന്ധവുമില്ലെന്നും അദ്ദേഹം വ്യക്തമാക്കി.
ആയോധ്യയിലാണ് രാമ ക്ഷേത്രം നിര്‍മ്മിക്കേണ്ടത്. അല്ലാതെ മറ്റെവിടെയാണ് നിര്‍മ്മിക്കേണ്ടത്. മക്കയിലോ മദീനയിലോ വത്തിക്കാനിലോ നിര്‍മിക്കാന്‍ സാധിക്കില്ലല്ലോ.
രാമന്റെ ജനന സ്ഥലമാണ് അയോധ്യ എന്ന കാര്യത്തില്‍ ആര്‍ക്കും സംശയമില്ല. രാജ്യത്തിന്റെ അഭിമാനമാണ് രാമ ക്ഷേത്രമെന്നും രാംദേവ് കൂട്ടിച്ചേര്‍ത്തു.
ഇന്ത്യന്‍ ഭരണഘടനയേയും നിമസഭയേയും ബഹുമാനിക്കുന്നു. മാര്‍ച്ച് നടത്തിയും മറ്റ് കൂട്ടായ്മകള്‍ സൃഷ്ടിച്ചും അയോധ്യയില്‍ ക്ഷേത്രം പണിയാന്‍ ഹിന്ദുക്കള്‍ക്ക് സാധിക്കും. പക്ഷേ അത്തരത്തിലുള്ള നീക്കങ്ങള്‍ രാജ്യത്തിന്റെ ക്രമസമാധാനം തകര്‍ക്കുമെന്ന് രാംദേവ് നേരത്തെ അഭിപായപ്പെട്ടിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ