ന്യൂഡല്‍ഹി: പ്രിയങ്കാഗാന്ധിയുടെ ഭര്‍ത്താവും വ്യവസായിയുമായ റോബര്‍ട്ട് വധ്രയുടെ 4.62 കോടിയുടെ ആസ്തി എന്‍ഫോഴ്‌സ്‌മെന്റ് ഡയറക്ടറേറ്റ് കണ്ടുകെട്ടി. ബിക്കാനീര്‍ ഭൂമി അഴിമതി കേസിലാണ് എന്‍ഫോഴ്‌സ്‌മെന്റിന്റെ നടപടി. റോബര്‍ട്ട് വധ്രയുടെ സ്ഥാപനമായ സ്‌കൈലൈറ്റ് ഹോസ്പിറ്റലിന്റെ സ്ഥാപരജംഗമ വസ്തുക്കളാണ് കണ്ടുകെട്ടിയത്.
2015ലെ തട്ടിപ്പുകേസുമായി ബന്ധപ്പെട്ട് വധ്രക്കെതിരെ ക്രിമിനല്‍ കേസ് രജിസ്റ്റര്‍ ചെയ്തിരുന്നു. ബിക്കാനീര്‍ തഹസില്‍ദാരുടെ പരാതിയുടെ അടിസ്ഥാനത്തില്‍ രാജസ്ഥാന്‍ പൊലീസ് രജിസ്റ്റര്‍ ചെയ്ത കേസിന്റെ അടിസ്ഥാനത്തിലാണ് ഇഡിയുടെ നടപടി. കഴിഞ്ഞ ദിവസം ജയ്പൂരിലെ എന്‍ഫോഴ്‌സ്‌മെന്റ് മുന്‍പാകെ വാധ്രയും അമ്മയും ഹാജരായിരുന്നു. പ്രിയങ്ക ഗാന്ധിയും ഇവര്‍ക്കൊപ്പമുണ്ടായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ