ന്യൂഡല്ഹി: ഇന്ത്യയും പാക്കിസ്ഥാനും ഒരുപോലെ സംയമനം പാലിക്കണമെന്ന് ചൈന. പുല്വാമ ആക്രമണത്തിന് തിരിച്ചടിയായി ഇന്ത്യ നടത്തിയ വ്യോമാക്രമണത്തിന്റെ പശ്ചാത്തലത്തിലാണ് ചൈനയുടെ പ്രതികരണം.
ഇരു രാജ്യങ്ങളും സംയമനം പാലിക്കുമെന്ന് പ്രതീക്ഷിക്കുന്നതായി ചൈന വ്യക്തമാക്കി. ഇന്ത്യക്കും പാക്കിസ്ഥാനുമിടയിലുള്ള പ്രശ്നങ്ങള് രമ്യമായി പരിഹരിക്കാന് സഹായിക്കാനൊരുക്കമാണെന്നും ചൈനീസ് വിദേശകാര്യ വക്താവ് ലു കാങ് പ്രതികരിച്ചു.
12 മിറാഷ് 2000 പോര് വിമാനങ്ങള് പങ്കെടുത്ത മിന്നലാക്രമണത്തില് 1000 കിലോ സ്ഫോടക വസ്തുക്കള് വര്ഷിച്ചായിരുന്നു ഇന്ത്യയുടെ തിരിച്ചടി. ഇന്ന് പുലര്ച്ചെ 21 മിനുട്ട് നീണ്ടുനിവ്യോമാക്രമണത്തില് ബാലാകോട്ടും മുസഫറാബാദിലും ചകോതിയിലുമുള്ള ഭീകര ക്യാമ്പുകള് നാമാവശേഷമാക്കി. ബാലാക്കോട്ടാണ് ആദ്യ ആക്രമണം നടത്തിയത്.
പാക്കിസ്ഥാന്റെ എഫ് 16 വിമാനങ്ങള് തിരിച്ചടിക്ക് തുനിഞ്ഞെങ്കിലും മിറാഷ് വിമാന വ്യൂഹത്തെക്കണ്ട് പിന്തിരിഞ്ഞു. മിന്നാലാക്രമണത്തില് പങ്കെടുത്ത ഒരാള്ക്ക് പോലും പോറലേല്ക്കാതെ 100 ശതമാനം വിജയം വരിക്കാനും സേനയ്ക്ക് സാധിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ