നാഗ്പൂര്‍: തന്റെ ഹൃദയം കവര്‍ച്ച ചെയ്യപ്പെട്ടെന്നും തിരികെ കണ്ടെത്തിത്തരണമെന്നും ആവശ്യപ്പെട്ട് പരാതിയുമായി യുവാവ് പൊലീസ് സ്റ്റേഷനില്‍. നാഗ്പൂരിലാണ് സംഭവം.
ഒരു പെണ്‍കുട്ടി തന്റെ ഹൃദയം കവര്‍ന്നുവെന്നും തിരികെ കണ്ടെത്താതെ മടങ്ങിപ്പോകില്ലെന്നും പറഞ്ഞ യുവാവ് മണിക്കൂറുകളാണ് സ്റ്റേഷനില്‍ കുത്തിയിരുന്നത്. ഒടുവില്‍ ഈ പരാതിയ്ക്ക് ഐപിസി അനുസരിച്ച് വകുപ്പിടാന്‍ ഇല്ലെന്നും തങ്ങള്‍ നിസ്സഹായരാണെന്നും പൊലീസ് കമ്മീഷണര്‍ വ്യക്തമാക്കുകയായിരുന്നു.
തൊണ്ടി മുതലുകള്‍ ഉടമസ്ഥര്‍ക്ക് വിതരണം ചെയ്യുന്നതിനിടെയാണ് വിചിത്രമായ ഈ പരാതിയുമായി യുവാവെത്തിയത്. 82 ലക്ഷം രൂപയുടെ സാധനങ്ങളാണ് ഇങ്ങനെ പൊലീസ് വകുപ്പ് ഉടമസ്ഥര്‍ക്ക് തിരികെ നല്‍കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ