ചെ​ന്നൈ: രാ​ജ്യ​ദ്രോ​ഹ കു​റ്റത്തിന്  എം​ഡി​എം​കെ നേ​താ​വ് വൈ​ക്കോ​യ്ക്ക് ഒ​രു വ​ര്‍​ഷം ത​ട​വുശിക്ഷ. ചെ​ന്നൈ​യി​ലെ പ്ര​ത്യേ​ക കോ​ട​തി​യാ​ണ് ശി​ക്ഷ വി​ധി​ച്ച​ത്. 10,000 രൂ​പ പി​ഴ​ അടയ്ക്കാനും കോടതി വിധിച്ചു. ശ്രീ​ല​ങ്ക​യി​ലെ നിരോധിത ഭീകര സംഘടനയായ എൽടിടിഇയെ അനുകൂലിച്ച് സംസാരിച്ചതിനാണ് ശിക്ഷ. 

2009ലാ​ണ് കേ​സി​ന് ആ​സ്പ​ദ​മാ​യ വി​വാ​ദ പ്ര​സം​ഗം ന​ട​ക്കു​ന്ന​ത്. പുസ്തക പ്രകാശന ചടങ്ങിനിടെ  ശ്രീ​ല​ങ്ക​യി​ലെ ആ​ഭ്യ​ന്ത​ര യു​ദ്ധ​ത്തി​ന്‍റെ അ​ടി​സ്ഥാ​ന​ത്തി​ല്‍,  തീ​വ്ര​വാ​ദ സം​ഘ​ട​ന​യാ​യ എൽടിടിഇയെ പി​ന്തു​ണ​ക്കു​ക​യും ഇ​ന്ത്യ​ന്‍ പ​ര​മാ​ധി​കാ​ര​ത്തെ ചോ​ദ്യം ചെ​യ്യു​ക​യും ചെ​യ്ത​താ​യാണ് പരാതി. ഡിഎംകെ നൽകിയ പരാതിയുടെ അടിസ്ഥാനത്തിലാണ് വൈക്കോക്കെതിരെ  ത​മി​ഴ്നാ​ട് പൊ​ലീ​സ് രാ​ജ്യ​ദ്രോ​ഹ കു​റ്റം ചു​മ​ത്തി കേസെടുക്കുന്നത്. 

ശ്രീലങ്കയിൽ എൽടിടിഇക്കെതിരായ ആഭ്യന്തരയുദ്ധം അവസാനിപ്പിച്ചില്ലെങ്കിൽ ഇന്ത്യ ഒറ്റ രാജ്യമായി തുടരില്ലെന്ന് വൈകോ ചടങ്ങിൽ അഭിപ്രായപ്പെട്ടിരുന്നു. ആ​ഭ്യ​ന്ത​ര സു​ര​ക്ഷ​യെ ബാ​ധി​ക്കു​ന്ന പ്ര​സം​ഗം എ​ന്ന് ആ​രോ​പി​ച്ച് ത​മി​ഴ്നാ​ട് പൊ​ലീ​സി​ലെ തീ​വ്ര​വാ​ദ​വി​രു​ദ്ധ വി​ഭാ​ഗ​മാ​ണ് കേ​സെ​ടു​ത്ത​ത്. വൈകോയുടെ അപേക്ഷ മാനിച്ച് ശിക്ഷ നടപ്പാക്കുന്നത് കോടതി ഒരുമാസത്തേക്ക് തടഞ്ഞിട്ടുണ്ട്. അന്ന് പാരാതി നൽകിയ ഡിഎംകെയുടെ സഖ്യകക്ഷിയായി വൈകോ ഇപ്പോൾ രാജ്യസഭയിലേക്ക് മൽസരിക്കാനൊരുങ്ങുകയാണ്. നാളെ (ശനിയാഴ്ച) നാമനിർദേശ പത്രിക നൽകുമെന്നാണ് റിപ്പോർട്ടുകൾ.