അഹമ്മദാബാദ്: ഗുജറാത്ത് കോൺഗ്രസിന്റെ വെബ്സൈറ്റ് അജ്ഞാതർ ഹാക്ക് ചെയ്തു. പട്ടേൽ പ്രക്ഷോഭ നേതാവ് ഹാർദിക് പട്ടേൽ കോൺഗ്രസിൽ ചേർന്നതിന് പിന്നാലെയാണ് സംഭവം. ഹാർദിക്കിന്റെ വിവാദ ലൈംഗീക വീഡിയോയിൽനിന്നുള്ള ചിത്രം വെബ്സൈറ്റിന്റെ മുഖപേജിൽ നൽകിയാണ് ഹാക്ക് ചെയ്തിരിക്കുന്നത്.
'പുതിയ നേതാവിന് പാർട്ടിയിലേക്ക് സ്വാഗതം' എന്ന കുറിപ്പോടെ ഹാർദികും പെൺകുട്ടിയും കട്ടിൽ ഇരിക്കുന്ന ചിത്രമാണ് നൽകിയിരിക്കുന്നത്. 2017 ലെ അസംബ്ലി തെരഞ്ഞെടുപ്പിൽ ഏറെ കോളിളക്കമുണ്ടാക്കിയ സെക്സ് വീഡിയോയിൽ നിന്നുള്ള ചിത്രമാണ് മുൻപേജിൽ നൽകിയിട്ടുള്ളത്.
വെബ്സൈറ്റ് വീണ്ടെടുക്കാനുള്ള പ്രവർത്തികൾ ആരംഭിച്ചതായി കോൺഗ്രസ് വക്താവ് മനീഷ് ദോഷി പറഞ്ഞു. ഹാർദിക്കിന്റെ കോൺഗ്രസ് പ്രവേശം ഇഷ്ടപ്പെടാത്തവർ ആണ് ഹാക്കിംഗിനു പിന്നിലെന്നും അദ്ദേഹം പറഞ്ഞു. നേരത്തെ ബിജെപിയുടെ വെബ്സൈറ്റ് ഹാക്ക് ചെയ്യപ്പെട്ടിരുന്നു. ആഴ്ചകൾക്കു ശേഷവും ഇത് വീണ്ടെടുക്കാനായിട്ടില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ