ന്യൂഡല്‍ഹി: നിയമസഭാ തെരഞ്ഞടുപ്പ് നടക്കുന്ന സംസ്ഥാനങ്ങള്‍ ബിജെപി തൂത്തുവാരുമെന്ന് അഭിപ്രായ സര്‍വെ. എബിപി അഭിപ്രായ സര്‍വെയാണ് പുറത്തുവന്നത്. മഹാരാഷ്ട്രയില്‍ ബിജെപി നേതൃത്വം നല്‍കുിന്ന എന്‍ഡിഎയ്ക്ക് 194 സീറ്റുകള്‍ ലഭിക്കുമെന്നാണ് പ്രവചനം. 

മഹാരാഷ്ട്രയില്‍ കോണ്‍ഗ്രസ് നേതൃത്വം നല്‍കുന്ന യുപിഎ 86 സീറ്റുകളില്‍ വിജയിക്കുമെന്നാണ് സര്‍വെ പറയുന്നത്. 47 ശതമാനം വോട്ടുകള്‍ നേടി  എന്‍ഡിഎ അധികാരത്തില്‍ വരും. 39 ശതമാനം വോട്ടുകള്‍ യുപിഎ നേടും. കഴിഞ്ഞ തവണ 72 സീറ്റുകളാണ് എന്‍ഡിഎക്ക് ലഭിച്ചത്. ഇത്തവണ നില മെച്ചപ്പെടുത്തുമെന്നാണ് സര്‍വെ പറയുന്നത്.

ഹരിയാനയില്‍ ബിജെപി തൂത്തുവാരുമെന്നാണ് പ്രവചനം. ബിജെപി 83 സീറ്റ് നേടുമ്പോള്‍ കോണ്‍ഗ്രസ് മൂന്ന് സീറ്റിലൊതുങ്ങുമെന്നും സര്‍വെ പറയുന്നു.