നാഗ്പൂര്‍ : കനത്ത വൈദ്യുതി ബില്‍ ലഭിച്ചതിന്റെ ആഘാതത്തില്‍ ഗൃഹനാഥന്‍ തീകൊളുത്തി ജീവനൊടുക്കി. മഹാരാഷ്ട്രയിലെ നാഗ്പൂരിലാണ് സംഭവം. ലീലാധര്‍ ലക്ഷ്മണ്‍ ഗൈഥാനെ എന്ന 57 കാരനാണ് ആത്മഹത്യ ചെയ്തത്.
ഇദ്ദേഹത്തിന്റെ കുടുംബത്തിന് കഴിഞ്ഞയാഴ്ച 40,000 രൂപയുടെ ബില്ലാണ് വൈദ്യുതി ബോര്‍ഡ് നല്‍കിയത്. ബില്‍ ലഭിച്ചതോടെ ഇയാള്‍ കടുത്ത മാനസിക സമ്മര്‍ദ്ദത്തിലായിരുന്നുവെന്ന് വീട്ടുകാര്‍ പറഞ്ഞു.
ബില്‍ അടയ്ക്കാന്‍ പണമില്ലാതെ, കടുത്ത വിഷാദത്തിലായ ലീലാധര്‍ മദ്യപാനവും തുടങ്ങി. കഴിഞ്ഞദിവസം മണ്ണെണ്ണ എടുത്ത് ദേഹത്ത് ഒഴിച്ച് തീകൊളുത്തുകയായിരുന്നു എന്ന് പൊലീസ് അറിയിച്ചു. വീട്ടുകാര്‍ ഉടന്‍തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ