വാഹനാപകടങ്ങൾ സംബന്ധിച്ച് നിരവധി വാർത്തകളാണ് ദിനംപ്രതി നമുക്ക് മുന്നിലെത്തുന്നത്. എന്നാൽ ഒരേദിശയിൽ സഞ്ചരിച്ച നാല് ബൈക്കുകൾ കൂട്ടിയിടിച്ച് ഉണ്ടായ അപകടം ഇപ്പോൾ സമൂഹമാധ്യമങ്ങളിൽ വൈറലായിരിക്കുകയാണ്. 

കർണാടകയിലെ ഒരു റോഡിൽ ഉണ്ടായ അപകടത്തിന്റെ  സിസിടിവി ദൃശ്യമാണ് ഇപ്പോൾ വ്യാപകമായി പ്രചരിക്കുന്നത്. മുന്നിൽ പോയ ബൈക്കുകാരൻ വലത്തോട്ട് തിരിക്കാൻ ശ്രമിച്ചിട്ട് പെട്ടെന്ന് ഇടത്തേക്ക് വെട്ടിച്ചതാണ് അപകട കാരണം. പുറകെ വന്ന മൂന്നു ബൈക്കുകളും ബ്രേക്ക് പിടിച്ചെങ്കിലും കൂട്ടിയിടിച്ച് റോഡിൽ വീണു.

നാല് ബൈക്കുകളിലായി ഒൻപത് പേരാണ് യാത്ര ചെയ്തിരുന്നത്. ഒരു ബൈക്കിൽ മൂന്ന് പേർ ഉണ്ടായിരുന്നു. ആരും ഹെൽമറ്റ് ധരിച്ചിരുന്നില്ല. അപകടത്തിൽ ആർക്കും കാര്യമായ പരുക്കില്ല എന്നാണ് റിപ്പോർട്ടുകൾ.