നാഗ്‌പൂര്‍: വിവാഹത്തിന്‌ വധുവിന്റെ ബന്ധുക്കളായി നിന്ന്‌ പൊലീസുകാര്‍. ലോക്ക്‌ഡൗണിനെ തുടര്‍ന്ന്‌ വധുവിന്റെ ബന്ധുക്കള്‍ക്ക്‌ എത്താനാവാതെ വന്നതോടെയാണ്‌ പൊലീസുകാര്‍ ബന്ധുക്കളായത്‌. നാഗ്‌പൂരിലാണ്‌ സംഭവം.
പെണ്‍കുട്ടിയുടെ മാതാപിതാക്കള്‍ ജീവിച്ചിരിപ്പില്ല. നാഗ്‌പൂര്‍ പൊലീസ്‌ ഡിപ്പാര്‍ട്ട്‌മെന്റ്‌ സമൂഹമാധ്യമങ്ങളിലൂടെ ഇത്‌ പങ്കുവെച്ചതോടെ വലിയ അഭിനന്ദനമാണ്‌ പൊലീസുകാരെ തേടിയെത്തുന്നത്‌. യാത്രാ നിയന്ത്രണങ്ങള്‍ ഉള്ളത്‌ കൊണ്ട്‌ വധുവിന്റെ ബന്ധുക്കള്‍ക്ക്‌ എത്താനായില്ല. അവരുടെ അസാന്നിധ്യം നാഗ്‌പൂര്‍ പൊലീസ്‌ പരിഹരിച്ചു കൊടുത്തു. സ്റ്റേഷനിലെ പൊലീസ്‌ ഉദ്യോഗസ്ഥരുള്‍പ്പെടെയുള്ള ജീവനക്കാര്‍ വിവാഹ ചടങ്ങില്‍ പങ്കെടുത്തു, നാഗ്‌പൂര്‍ പൊലീസിന്റെ ട്വീറ്റില്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ