ന്യൂഡൽഹി: ആധാർ വിവരങ്ങൾ എപ്പോൾ വേണമെങ്കിലും പിവിസി കാർഡ് രൂപത്തിൽ പ്രിന്റ് ചെയ്ത് ലഭിക്കുന്നതിനുള്ള സംവിധാനം ആരംഭിച്ചു. ഇതിനുള്ള  ‘ഓർഡർ ആധാർ കാർഡ്’ സേവനത്തിന് തുടക്കമായെന്ന് യുഐഡിഎഐ ട്വിറ്ററിലൂടെ അറിയിച്ചു. രജിസ്റ്റർചെയ്ത മൊബൈൽ നമ്പർ ഇല്ലെങ്കിൽ താത്കാലിക നമ്പറോ രജിസ്റ്റർ ചെയ്യാത്ത നമ്പറോ ഉപയോഗിച്ചും ഉടമസ്ഥന് കാർഡ് ആവശ്യപ്പെടാം. 

50 രൂപയടച്ച് ഓൺലൈൻ ആയി അപേക്ഷിച്ചാൽ തപാൽമാർഗം സ്പീഡ് പോസ്റ്റിൽ കാർഡ് വീട്ടിലെത്തും. കാർഡുകളിൽ സുരക്ഷയുറപ്പാക്കാൻ ക്യു ആർ കോഡും മറ്റ് സംവിധാനങ്ങളും ഉണ്ടായിരിക്കും. 

uidai.gov.in എന്ന ലിങ്കിലൂടെ കാർഡിന് അപേക്ഷിക്കാം. ആധാർ കാർഡ് ഡിജിറ്റൽ രൂപത്തിൽ ലഭിക്കുന്നതിന് ഗൂഗിൾ പ്ലേസ്റ്റോറിൽ നിന്ന് എംആധാർ ആപ്പ് മൊബൈൽ ഫോണുകളിൽ ഇൻസ്റ്റാൾ ചെയ്യാം.