ചെന്നെെ: നടിയും ബിജെപി നേതാവുമായ ഖുശ്ബുവിന്റെ കാർ അപകടത്തിൽപ്പെട്ടു. ഗൂഡല്ലൂരിലെ വേൽയാത്രയിൽ പങ്കെടുക്കാൻ പോയതായിരുന്നു ഖുശ്ബു. തമിഴ്നാട്ടിലെ മേൽമാവത്തൂരിൽ വച്ചാണ് അപകടമുണ്ടായത്. 

താൻ സുരക്ഷിതയാണെന്നും അപകടത്തെക്കുറിച്ച് അന്വേഷണം ആരംഭിച്ചിട്ടുണ്ടെന്നും നടി ട്വിറ്ററിലൂടെ അറിയിച്ചു. ഒരു ട്രക്ക് കാറിൽ ഇടിച്ചു കയറുകയായിരുന്നെന്നാണ് അപകടത്തെക്കുറിച്ച് ഖുശ്ബു പറഞ്ഞത്. 

വേൽയാത്രയിൽ പങ്കെടുക്കാൻ ​ഗൂടല്ലൂരിലേക്കുള്ള യാത്ര തുടരുമെന്നും ട്വിറ്ററിലൂടെ അറിയിച്ചിട്ടുണ്ട്. മുരു​ഗനാണ് അപകടത്തിൽ തങ്ങളെ രക്ഷിച്ചുവെന്നും വേൽ മുരു​ഗനിലുള്ള ഭർത്താവിന്റെ വിശ്വാസമാണ് വെളിപ്പെട്ടതെന്നും ഖുശ്ബു കുറിച്ചു.