മുംബൈ: കോവിഡിന്റെ രണ്ടാം തരംഗം സംശയിക്കുന്ന മഹാരാഷ്ട്രയില്‍ ആശങ്കയയുര്‍ത്തി ഇന്നും പ്രതിദിന രോഗികളുടെ എണ്ണം അയ്യായിരം കടന്നു. ഇന്ന് 5,760 പേര്‍ക്കാണ് രോഗം സ്ഥിരീകരിച്ചത്. അതേസമയം ആന്ധ്രപ്രദേശില്‍ ആശ്വാസകരമായി രീതിയില്‍ തന്നെയാണ് പ്രതിദിന കണക്ക്. ആന്ധ്രയില്‍ ഇന്ന് 1,160 പേര്‍ക്കാണ് രോഗം കണ്ടെത്തിയത്. 

മഹാരാഷ്ട്രയില്‍ ഇന്ന് 62 പേര്‍ മരിച്ചു. ഇതോടെ സംസ്ഥാനത്തെ മൊത്തം മരണം 46,573 ആയി. 17,74,455 പേര്‍ക്കാണ് സംസ്ഥാനത്ത് ഇതുവരെ രോഗം ബാധിച്ചത്. 4,088 പേര്‍ക്കാണ് ഇന്ന് രോഗ മുക്തി. സംസ്ഥാനത്ത് ആകെ രോഗ മുക്തി നേടിയവരുടെ എണ്ണം 16,47,004. ആക്ടീവ് കേസുകള്‍ 79,873. 

ആന്ധ്രയിലെ ആകെ രോഗികളുടെ എണ്ണം 8,61,092. 8,39,395 പേര്‍ക്ക് രോഗ മുക്തി. 14,770 ആക്ടീവ് കേസുകള്‍. മൊത്തം മരണം 6,927.