ബംഗളൂരു: കോൺഗ്രസ് നേതാവും കർണാടകയിലെ മുൻ മന്ത്രിയുമായ റോഷൻ ബെയ്ഗ് അറസ്റ്റിൽ. അഴിമതിക്കേസിൽ സിബിഐയാണ് റോഷൻ ബെയ്ഗിനെ അറസ്റ്റ് ചെയ്തത്. ഐ- മോണിറ്ററി അഡൈ്വസറി (ഐഎംഎ) പൊൻസി അഴിമതി കേസിലാണ് റോഷൻ ബെയ്ഗ് അറസ്റ്റിലായതെന്ന് പിടിഐ റിപ്പോർട്ട് ചെയ്തു.
റോഷൻ ബെയ്ഗിനെ നേരത്തെ എംഎൽഎ സ്ഥാനത്തു നിന്ന് അയോഗ്യനാക്കിയിരുന്നു. ഞായറാഴ്ച ചോദ്യം ചെയ്യാൻ വിളിച്ചു വരുത്തിയ റോഷനെ സിബിഐ പിന്നീട് അറസ്റ്റ് ചെയ്യുകയായിരുന്നു.
കൃത്യമായ തെളിവിന്റെ അടിസ്ഥാനത്തിലാണ് അറസ്റ്റെന്ന് സിബിഐ അറിയിച്ചു. കോടതിയിൽ ഹാജരാക്കിയ റോഷൻ ബെയ്ഗിനെ ജുഡീഷ്യൽ കസ്റ്റഡിയിൽ വിട്ടു. ഇസ്ലാമിക് രീതിയിലുള്ള നിക്ഷേപത്തിലൂടെ നിക്ഷേപകർക്ക് വൻ ലാഭം വാഗ്ദാനം ചെയ്ത് കോടിക്കണക്കിന് രൂപ തട്ടിയെന്നാണ് കേസ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ