ന്യൂഡല്‍ഹി : ഒരു രാജ്യം ഒറ്റ തെരഞ്ഞെടുപ്പ് എന്നത് വെറും ചര്‍ച്ചാ വിഷയമല്ല, ഇന്ത്യയില്‍ ഇന്ന് അനിവാര്യമായതെന്ന് പ്രധാനമന്ത്രി നരേന്ദ്രമോദി. പ്രിസൈഡിങ് ഓഫീസര്‍മാരുടെ രണ്ടു ദിവസത്തെ കോണ്‍ഫറന്‍സിലെ സമാപന സമ്മേളനത്തെ അഭിസംബോധന ചെയ്ത് സംസാരിക്കുകയായിരുന്നു നരേന്ദ്രമോദി.
ഒരു രാജ്യം ഒറ്റ തെരഞ്ഞെടുപ്പ് എന്നത് വെറുതെ ചര്‍ച്ച ചെയ്യേണ്ടതല്ല. രാജ്യത്ത് ഇന്ന് ഏറ്റവും അനിവാര്യമാണ്. വ്യത്യസ്തമായി തെരഞ്ഞെടുപ്പ് നടത്തുന്നത് വികസന പ്രവര്‍ത്തനങ്ങളെ തടസ്സപ്പെടുത്തുന്നു. നിങ്ങള്‍ക്കെല്ലാവര്‍ക്കും ഇതിനെക്കുറിച്ച് അറിയാം.
നമ്മള്‍ ഇതിനെക്കുറിച്ച് ഗൗരവമായി ചിന്തിക്കണം, ബന്ധപ്പെട്ട ഉദ്യോഗസ്ഥരും ഇത് സംബന്ധിച്ച് ചര്‍ച്ചകള്‍ നടത്തണം. ലോക്‌സഭ, നിയമസഭ, മറ്റ് തെരഞ്ഞെടുപ്പുകള്‍ എന്നിവയ്ക്ക് ഒറ്റ വോട്ടര്‍ പട്ടിക വേണം.
വ്യത്യസ്തമായി തെരഞ്ഞെടുപ്പ് നടത്തി എന്തിനാണ് സമയവും പണവും പാഴാക്കുന്നത്? മോദി ചോദിച്ചു. ജനങ്ങളെയും രാജ്യത്തിന്റെ നയങ്ങളെയും രാഷ്ട്രീയം ഏറ്റെടുക്കുമ്പോള്‍, അത്തരം സാഹചര്യങ്ങളില്‍ രാജ്യം പ്രതികൂലമായി പണം നല്‍കേണ്ടിവരുമെന്ന് ഓര്‍ക്കണമെന്നും പ്രധാനമന്ത്രി അഭിപ്രായപ്പെട്ടു.
ഇരുപത്തിയൊന്നാം നൂറ്റാണ്ടിലെ എല്ലാ വെല്ലുവിളികളെയും നേരിടാനുള്ള വഴി നമ്മുടെ ഭരണഘടനയിലുണ്ട്. നമ്മുടെ ഭരണഘടന 75ാം വര്‍ഷത്തിലേക്ക് കടക്കുകയാണ്. അത്തരമൊരു സാഹചര്യത്തില്‍, പുതിയ ദശകവുമായി സമന്വയിച്ച് പ്രവര്‍ത്തിക്കുന്ന രീതിയിലേക്ക് ആസൂത്രണം ചെയ്യപ്പെടേണ്ടതുണ്ടെന്നും പ്രധാനമന്ത്രി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ