മുംബൈ: മഹാരാഷ്ട്രയില്‍ കോവിഡ് രോഗികളുടെ എണ്ണത്തില്‍ ഇന്ന് കുറവ് രേഖപ്പെടുത്തി. ഇന്ന് രോഗം സ്ഥിരീകരിച്ചത് 3,837 പേര്‍ക്കാണ് രോഗം കണ്ടെത്തിയത്. രോഗികളേക്കാള്‍ രോഗ മുക്തരുടെ എണ്ണം കൂടുതലാണ്. 4,196 പേര്‍ക്കാണ് ഇന്ന് രോഗ മുക്തി. 

സംസ്ഥാനത്ത് ഇന്ന് 80 പേരാണ് മരിച്ചത്. ഇതോടെ ആകെ മരണം 47,151 ആയി. സംസ്ഥാനത്തെ മൊത്തം രോഗികളുടെ എണ്ണം 18,23,896 ആയി. 16,85,122 പേര്‍ക്ക് രോഗ മുക്തി. 90,557 ആക്ടീവ് കേസുകളാണ് നിലവില്‍ സംസ്ഥാനത്ത്. 

തമിഴ്‌നാട്ടില്‍ ഇന്ന് 1,410 പേര്‍ക്ക് രോഗം  സ്ഥിരീകരിച്ചു. 1,456 പേര്‍ക്ക് രോഗ മുക്തി. ഒന്‍പത് പേരാണ് ഇന്ന് മരിച്ചത്. 

ഇതോടെ സംസ്ഥാനത്തെ ആകെ കേസുകളുടെ എണ്ണം 7,81,915. ആകെ രോഗ മുക്തി 7,59,206 ആണ്. ഒന്‍പത് മരണം രേഖപ്പെടുത്തിയതോടെ ആകെ മരിച്ചവരുടെ എണ്ണം 11,712 ആയി. 10,997 ആക്ടീവ് കേസുകള്‍. 

ആന്ധ്രപ്രദേശില്‍ ഇന്ന് 381 പേര്‍ക്കാണ് രോഗം സ്ഥിരീകരിച്ചത്. 934 പേര്‍ക്ക് രോഗ മുക്തി. നാല് മരണവും ഇന്ന് സംസ്ഥാനത്ത് രേഖപ്പെടുത്തി. ആന്ധ്രയിലെ മൊത്തം കേസുകള്‍ 8,68,064. ആക്ടീവ് കേസുകള്‍ 7,840. ആകെ രോഗ മുക്തി 8,53,232. മൊത്തം മരണം 6,992.