ചെന്നൈ: തമിഴ്‌നാട് ആര്‍കെ നഗര്‍ മുന്‍ എംഎല്‍എയും ശശികല പക്ഷത്തെ മുതിര്‍ന്ന നേതാവുമായ പി വെട്രിവേല്‍ കോവിഡ് ബാധിച്ച് മരിച്ചു. ചെന്നൈയിലെ സ്വകാര്യ ആശുപത്രിയില്‍ ചികിത്സയിലായിരുന്നു. 59 വയസായിരുന്നു അദ്ദേഹത്തിന്.
കടുത്ത ശ്വാസതടസം അനുഭവപ്പെട്ടതിനെ തുടര്‍ന്ന് ഈ മാസം ആറിനാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്. ജയലളിതയുമായി വളരെ അടുപ്പമുണ്ടായിരുന്ന നേതാവായിരുന്നു.
എടപ്പാടി പളനിസ്വാമിക്ക് പിന്തുണ പിന്‍വലിച്ചതിന് അയോഗ്യരാക്കപ്പെട്ട 18 എംഎല്‍എമാരില്‍ ഒരാളാണ് വെട്രിവേല്‍. ടിടിവി ദിനകരന്റെ അമ്മ മക്കള്‍ മുന്നേറ്റ കഴകം ട്രഷറര്‍ കൂടിയാണ്. രണ്ടാഴ്ച മുമ്പ് ശശികലപക്ഷത്തിന്റെ നിര്‍ണായക യോഗങ്ങളില്‍ പങ്കെടുത്തിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ