മഥുര: കരിപ്പൂർ വിമാനാപകടത്തിൽ മരിച്ച സഹ പൈലറ്റ് ക്യാപ്റ്റൻ അഖിലേഷ് കുമാറിന്റെ ഭാര്യ പ്രസവിച്ചു. ഞായറാഴ്ച മഥുര നയാതി മെഡിസിറ്റിയിൽ മേഘ ശുക്ള ആൺകുഞ്ഞിന് ജന്മം നൽകി. അമ്മയുടെയും കുഞ്ഞിന്റെയും ആരോഗ്യനിലയിൽ കുഴപ്പമില്ലെന്ന് ഡോക്ടർ അറിയിച്ചു.
ഓഗസ്റ്റ് ഏഴിന് രാത്രിയാണ് ദുബായിൽനിന്നെത്തിയ എയർ ഇന്ത്യ എക്സ്പ്രസ് വിമാനം ലാൻഡിങ്ങിനിടെ അപകടത്തിൽപ്പെട്ടത്. 190 യാത്രക്കാരുണ്ടായിരുന്ന വിമാനത്തിലെ രണ്ടു പൈലറ്റുമാരടക്കം ഇരുപതിലേറെ പേർ അപകടത്തിൽ മരിച്ചു.
കുഞ്ഞ് ജനിച്ചത് ജീവിതത്തിൽ വീണ്ടും സന്തോഷം നിറച്ചെന്ന് മേഖ പറഞ്ഞു. കുഞ്ഞിന്റെ ജനനം ആശ്വാസം പകരുന്നതാണെന്നും കുഞ്ഞിലൂടെ അഖിലേഷ് ജീവിക്കുമെന്നും കുടുംബാംഗങ്ങൾ പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ