ഇറ്റാനഗര്‍: അരുണാചല്‍ പ്രദേശ് മുഖ്യമന്ത്രി പെമ ഖണ്ഡുവിന് കോവിഡ്. ന്യൂഡല്‍ഹിയില്‍ ക്വാറന്റൈനില്‍ കഴിയുകയാണെന്ന് പെമ ഖണ്ഡു അറിയിച്ചു.
'കോവിഡ് പരിശോധനയായ ആര്‍ടി- പിസിആര്‍ ടെസ്റ്റിന് വിധേയനായ എനിക്ക് രോഗം സ്ഥിരീകരിച്ചു. രോഗ ലക്ഷണങ്ങളില്ല. ആരോഗ്യനില തൃപ്തികരമാണ്' - പെമ ഖണ്ഡു ട്വിറ്ററില്‍ കുറിച്ചു. സ്വയം നിരീക്ഷണത്തിലാണ്. കോവിഡ് പ്രോട്ടോക്കോളിന്റെ ഭാഗമായി താനുമായി സമ്പര്‍ക്കത്തില്‍ വന്ന എല്ലാവരോടും നിരീക്ഷണത്തില്‍ പോകാന്‍ മുഖ്യമന്ത്രി അഭ്യര്‍ത്ഥിച്ചു.
ഔദ്യോഗിക സന്ദര്‍ശനത്തിന്റെ ഭാഗമായാണ് പെമ ഖണ്ഡു ഡല്‍ഹിയില്‍ എത്തിയത്. തുടര്‍ന്ന് നടത്തിയ പരിശോധനയിലാണ് കോവിഡ് സ്ഥിരീകരിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ