പൂനെ : ഭാര്യയുടെ ഫെയ്‌സ്ബുക്ക് സുഹൃത്തിനെ ഭര്‍ത്താവും സുഹൃത്തും ചേര്‍ന്ന് കൊലപ്പെടുത്തി. പൂനെ ഔന്ദ് ആശുപത്രിയ്ക്ക് സമീപം വെച്ചായിരുന്നു കൊലപാതകം. ഔന്ദ് സഞ്ജയ് നഗര്‍ സ്വദേശിയായ സൗരഭ് വ്യാങ്കട്ട് യാദവാണ് കൊല്ലപ്പെട്ടത്.
അജയ് ഷെയ്ഖ്, സുഹൃത്ത് സോണി ഭരത് എന്നിവര്‍ ചേര്‍ന്നാണ് സൗരഭിനെ കൊലപ്പെടുത്തിയത്. ഓട്ടോമൊബൈല്‍ സ്‌പെയര്‍പാര്‍ട്‌സ് ഷോപ്പില്‍ ഡെലിവറി എക്‌സിക്യൂട്ടീവ് ആയി ജോലി ചെയ്യുകയാണ് സൗരഭ്.
അജയ് ഷെയ്ഖിന്റെ ഭാര്യ സൗരഭിന്റെ ഫെയ്‌സ്ബുക്ക് സുഹൃത്താണ്. വിവാഹത്തിന് മുമ്പേ തന്നെ ഇവര്‍ സുഹൃത്തുക്കളാണ്. എന്നാല്‍ ഇവര്‍ തമ്മില്‍ നേരില്‍ കണ്ടിട്ടുമില്ല.
സൗരഭുമായി സൗഹൃദം തുടരുന്നത് അജയ് ഷെയ്ഖിന് ഇഷ്ടമായിരുന്നില്ല. ഭാര്യയ്ക്ക് സൗരഭുമായി അതിരുവിട്ട അടുപ്പമുണ്ടെന്നായിരുന്നു അജയ് ഷെയ്ഖിന്റെ സംശയം. ഇതേച്ചൊല്ലി ഭാര്യയുമായി വഴക്കിടുമായിരുന്നു.
കഴിഞ്ഞദിവസം ഔന്ദില്‍വെച്ച് സൗരഭിനെ കണ്ട പ്രതികള്‍, യുവാവിനെ മൂര്‍ച്ഛയേറിയ ആയുധം ഉപയോഗിച്ച് ആക്രമിക്കുകയായിരുന്നു. കഴുത്തിലും ചെവിയിലും കൈത്തണ്ടയിലും കുത്തേറ്റ യുവാവ് മരിച്ചു.
സൗരഭിന്റെ കൊലപാതകത്തില്‍ സഹോദരന്‍ സുശാന്ത് യാദവ് പൊലീസിന് നല്‍കിയ പരാതിയിലാണ് പ്രതികളെ പൊലീസ് അറസ്റ്റ് ചെയ്തത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ