താനെ: ഓട്ടോറിക്ഷയില്‍ മറന്നുവച്ച രണ്ടര ലക്ഷം രൂപയോളം വിലയുടെ സാധനങ്ങളടങ്ങിയ ബാഗ് പൊലീസ് കണ്ടെത്തി. വിവാഹത്തില്‍ പങ്കെടുക്കാന്‍ പോകുന്നവഴിയാണ് ആഭരണങ്ങളും വസ്ത്രവുമടങ്ങിയ ബാഗ് യുവതി ഓട്ടോയില്‍ വച്ച് മറന്നത്.
ഡിസംബര്‍ പതിനൊന്നിനാണ് സംഭവം നടന്നത്. മഹാരാഷ്ട്രയിലെ താനെയില്‍ ഭയാന്ദ്രര്‍ എന്ന നഗരത്തിലാണ് സംഭവം. യുവതിയുടെ ഭര്‍ത്താവ് നല്‍കിയ പരാതിയുടെ അടിസ്ഥാനത്തിലാണ് പൊലീസ് അന്വേഷണം നടത്തിയത്. സിസിടിവി പരിശോധിച്ചാണ് യുവതി സഞ്ചരിച്ച ഓട്ടോ കണ്ടെത്തിയത്.
ബാഗ് മറന്നുവച്ചതിന്റെ പിറ്റേദിവസം സ്വദേശത്തേക്ക് പോയ ഓട്ടോക്കാരന്‍ ഒരു മാസത്തിന് ശേഷമാണ് മടങ്ങിയെത്തിയതെന്ന് പൊലീസ് അന്വേഷണത്തില്‍ മനസ്സിലായി. ഉത്തര്‍പ്രദേശിലെ ഇയാളുടെ ഗ്രാമത്തിലെത്തി നഷ്ടപ്പെട്ട സാധനങ്ങള്‍ കണ്ടെത്തുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ