ലക്‌നൗ: ഹിന്ദു യുവാവായി ചമഞ്ഞ് 22 കാരിയെ ബലാത്സംഗം ചെയ്ത സംഭവത്തില്‍ 24കാരനെ പൊലീസ് അറസ്റ്റ് ചെയ്തു. മുസ്ലീം യുവാവായ ഇയാള്‍ ഹിന്ദുവാണെന്ന് തെറ്റിദ്ധരിപ്പിച്ച് പെണ്‍കുട്ടിയുമായി പ്രണയത്തിലായിരുന്നെന്ന് പൊലീസ് പറഞ്ഞു. ഇയാള്‍ മുസ്ലീമാണെന്ന് അറിഞ്ഞതിന് പിന്നാലെ പെണ്‍കുട്ടി ഇയാളെ അകറ്റി നിര്‍ത്തിയിരുന്നു. അതിന് പിന്നാലെ യുവാവ് ഭീഷണിപ്പെടുത്തിയതായും പരാതിയില്‍ പറയുന്നു.
ഉത്തര്‍പ്രദേശിലെ ബാലിയ നഗരത്തിലെ കോട്ട് വാലി പ്രദേശത്താണ് സംഭവം. വിവാഹം കഴിക്കുമെന്ന് വാഗ്ദാനം ചെയ്ത് ഇയാള്‍ നിരവധി തവണ ശാരീരിക ബന്ധത്തിലേര്‍പ്പെട്ടതായും യുവതി പരാതിയില്‍ പറയുന്നതായി എസ്‌ഐ പറഞ്ഞു.
ഇയാള്‍ക്കെതിരെ ബലാത്സംഗം, ക്രിമിനല്‍ ഭീഷണിപ്പെടുത്തല്‍ വകുപ്പുകള്‍ പ്രകാരം കേസ് രജിസ്റ്റര്‍ ചെയ്തതായി പൊലീസ് പറഞ്ഞു
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ