ന്യൂഡൽഹി: ഐ ടി മന്ത്രി അശ്വിനി വൈഷ്ണവിന്‍റെ പ്രസ്താവന രാജ്യസഭയിൽ കീറിയെറിഞ്ഞ സംഭവത്തിൽ തൃണമൂൽ കോൺഗ്രസ് എം പിക്ക് സസ്പെൻഷൻ. തൃണമൂലിന്റെ ശന്തനു സെന്നിനെയാണ് പുറത്താക്കിയത്. പാർലമെന്‍റിന്‍റെ വർഷകാല സമ്മേളനം അവസാനിക്കുന്നത് വരെയാണ് സസ്പെൻഷൻ.
രാജ്യസഭയിൽ പെഗാസിസ് വിഷയത്തിലെ പ്രതിഷേധത്തിനിടയിലാണ് ശന്തനു സെൻ രാജ്യസഭ ചെയർമാൻ വെങ്കയ്യ നായിഡുവിന് നേരെ പ്രസ്താവന ഇന്നലെ കീറിയെറിഞ്ഞത്. സഭാംഗത്തിന്റെത് ഗുരുതരമായ പെരുമാറ്റം ലംഘനമാണെന്ന് പ്രസ്താവിച്ചാണ് ശന്തനു സെന്നിനെ സസ്പെൻഡ് ചെയ്തത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ