ഗാസിയാബാദ്: റൊട്ടിയുണ്ടാക്കാൻ പരത്തിയ മാവിൽ തുപ്പിയിട്ട യുവാവ് അറസ്റ്റിൽ. തന്തൂർ റൊട്ടി ഉണ്ടാക്കുന്നതിനിടെയാണ് മാവിലേക്ക് ഇയാൾ തുപ്പിയിട്ടത്. സംഭവത്തിന്റെ വിഡിയോ പുറത്തുവന്നതിന് പിന്നാലെയാണ് അറസ്റ്റ്.
വൈറലായ വിഡിയോ ശ്രദ്ധയിൽപ്പെട്ട ഗാസിയാബാദ് പൊലീസ് ഉടൻ സ്ഥലത്തെത്തി യുവാവിനെ പിടികൂടുകയായിരുന്നു. മുഹമ്മദ് മൊഹസിൻ എന്നയാളാണ് അറസ്റ്റിലായത്. ഇയാളുടെ ചിത്രം ട്വിറ്ററിലൂടെ പൊലീസ് പുറത്തുവിട്ടു.
കഴിഞ്ഞ മാസം മീററ്റിൽ സമാനമായ സംഭവം ഉണ്ടായതിന് പിന്നാലെ ഹോട്ടൽ ജീവനക്കാരൻ അറസ്റ്റിലായിരുന്നു. ഉത്തർപ്രദേശ് സ്വദേശി നൗഷാദ് ആണ് അന്ന് അറസ്റ്റിലായത്. ഇയാൾ കുഴച്ച മാവിൽ തുപ്പി റൊട്ടിയുണ്ടാക്കുന്ന വിഡിയോയും സാമൂഹ്യ മാധ്യമങ്ങളിൽ വൈറലായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ