ന്യൂഡല്‍ഹി: രാജ്യത്ത് കഴിഞ്ഞ ഇരുപത്തിനാലു മണിക്കൂറിനിടെ 3,92,488 പേര്‍ക്കു കോവിഡ് സ്ഥിരീകരിച്ചു. 3689 മരണമാണ് ഈ സമയത്തിനിടെ റിപ്പോര്‍ട്ട് ചെയ്തത്. 3,07,865 പേരാണ് ഇന്നലെ മാത്രം രോഗമുക്ത നേടിയത്. 

ഇതുവരെ രാജ്യത്ത് കോവിഡ് സ്ഥിരീകരിച്ചത് 1,95,57,457 പേര്‍ക്കാണെന്ന് കേന്ദ്ര ആരോഗ്യമന്ത്രാലയം അറിയിച്ചു. ഇതില്‍ 1,59,92,271 പേര്‍ രോഗമുക്തി നേടി. 2,15,542 പേരാണ് വൈറസ് ബാധ മൂലം മരിച്ചത്. നിലവില്‍ 33,48,644 പേരാണ് ആശുപത്രികളിലും വീടുകളിലുമായി ചികിത്സയിലുള്ളത്.

ഇന്നലെ വരെ 15,68,16,031 പേര്‍ വാക്‌സിന്‍ സ്വീകരിച്ചതായും ആരോഗ്യമന്ത്രാലയത്തിന്റെ കണക്കുകള്‍ വ്യക്തമാക്കുന്നു.

അതിനിടെ രാജ്യത്തെ കോവിഡ് സ്ഥിതി അവലോകനം ചെയ്യാന്‍ പ്രധാനമന്ത്രി നരേന്ദ്ര മോദി ഉന്നത തല യോഗം വിളിച്ചു. ഓക്‌സിജന്‍ ലഭ്യത, മറ്റ് ചികിത്സാ സൗകര്യങ്ങള്‍ എന്നിവ വിലയിരുത്തുന്നതിനാണ് യോഗം.