ഇൻഡോർ: കേന്ദ്ര മന്ത്രി തവർചന്ദ് ​ഗെഹ് ലോട്ടിന്റെ മകൾ കോവിഡ് ബാധിച്ച് മരിച്ചു. യോ​ഗിത സോളങ്കി(42) ആണ് മരിച്ചത്. ഇൻഡോറിലെ മേദാന്ത ആശുപത്രിയിൽ ചികിത്സയിലിരിക്കെയാണ് മരണം. 

ശ്വാസകോശത്തിലെ അണുബാധയാണ് മരണ കാരണം. ശ്വാസകോശത്തിൽ 80 ശതമാനത്തോളം അണുബാധ ബാധിച്ചതാണ് ആരോ​ഗ്യനില വഷളാക്കിയത്. കോവിഡ് സ്ഥിരീകരിച്ചതിനെ തുടർന്ന് ഉജ്ജയിനിലെ ആശുപത്രിയിലാണ് ആദ്യം സോളങ്കിയെ പ്രവേശിപ്പിച്ചത്. 

ആരോ​ഗ്യനില വഷളായതോടെ മേദാന്തയിലേക്ക് മാറ്റി. മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാൻ ഉൾപ്പെടെയുള്ള നേതാക്കൾ അനുശോചനം രേഖപ്പെടുത്തി.