ഹൈദരാബാദ്: ചെക്പോസ്റ്റിൽ നിർത്താതെ, അമിതവേഗത്തിൽ കടന്നുപോവാൻ ശ്രമിച്ച ബൈക്കിന്റെ പിന്നിൽ ഇരുന്നയാൾ ക്രോസ്ബാറിൽ തലയിടിച്ചു മരിച്ചു. തെലങ്കാനയിലാണ് അപകടം.
തലപൂർ ജില്ലയിലെ ജന്നാരം മണ്ഡൽ പ്രദേശത്ത് വനം വകുപ്പിന്റെ ചെക്ക് പോസ്റ്റ് കണ്ടിട്ടും നിർത്താതെ ബൈക്ക് അമിത വേഗത്തിൽ ക്രോസ് ബാറിന് അടിയിലൂടെ കടന്നുപോവുകയായിരുന്നു.
അമിതവേഗതയിൽ വരുന്ന ബൈക്ക് കണ്ട് ഉദ്യോഗസ്ഥൻ കൈവീശി മുന്നറിയിപ്പ് നൽകിയെങ്കിലും യുവാക്കൾ ചെവികൊണ്ടില്ല. പോസ്റ്റിനടുത്ത് എത്തിയപ്പോൾ ബൈക്ക് ഓടിച്ചയാൾ പെട്ടെന്ന് തലകുനിച്ചെങ്കിലും പുറകിലിരിക്കുന്നയാൾക്ക് അതിന് കഴിഞ്ഞില്ല.
പോസ്റ്റിലിടിച്ച് വീണ ഇയാൾ തൽക്ഷണം മരിച്ചു. ബൈക്ക് ഓടിച്ചയാൾ വാഹനം നിർത്താതെ പോകുകയും ചെയ്തു. അപകടത്തിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ