ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറിനുള്ളില്‍ 18,166പേര്‍ക്ക് കോവിഡ്. 23,624പേര്‍ രോഗമുക്തരായി. 214പേര്‍ മരിച്ചു. 2,30,971 പേരാണ് നിലവില്‍ ചികിത്സയിലുള്ളത്. 3,32,71,915 പേര്‍ ആകെ രോഗമുക്തരായി. 4,50,589 പേരാണ് മരിച്ചത്. 94,70,10,175 പേര്‍ക്ക് ഇതുവരെ വാക്‌സിന്‍ നല്‍കിയിട്ടുണ്ട്.

കേരളത്തിലാണ് നിലവില്‍ ഏറ്റവും കൂടുതല്‍ കോവിഡ് ബാധിതരുള്ളത്.9,470 പേര്‍ക്കാണ് കഴിഞ്ഞദിവസം രോഗം സ്ഥിരീകരിച്ചത്. 1,13,132 പേരാണ് സംസ്ഥാനത്ത് ചികിത്സയിലുള്ളത്. ഇന്നലെ റിപ്പോര്‍ട്ട് ചെയ്ത 214 മരണങ്ങളില്‍ 101ഉം കേരളത്തിലാണ്. 

കോവിഡ് പ്രതിരോധ വാക്‌സിന്‍ എടുത്തവര്‍ക്കും സംസ്ഥാനത്ത് രോഗം റിപ്പോര്‍ട്ട് ചെയ്യുന്നുണ്ട്. രണ്ട് ഡോസ് വാക്‌സിന്‍ എടുത്ത 2,821 പേര്‍ക്ക് ഇന്നലെ രോഗം സ്ഥിരീകരിച്ചു. ഒന്നാം ഡോസ് വാക്‌സിനെടുത്ത 2,543 പേര്‍ക്കും ഇന്നലെ രോഗം കണ്ടെത്തി.