ഭോപ്പാല്‍: പബ്ജി കളിക്കുന്നതിനിടെ കുഴഞ്ഞുവീണ ഭിന്നശേഷിക്കാരനായ പത്തൊന്‍പതുകാരന്‍ മരിച്ചു. മധ്യപ്രദേശിലെ ദേവാസ് ജില്ലയിലാണ് സംഭവം. ദീപക് റാത്തോഡ് എന്ന പ്ലസ് വണ്‍ വിദ്യാര്‍ത്ഥിയാണ് മരിച്ചത്.
വീട്ടിനുള്ളില്‍ പബ്ജി കളിച്ചിരിക്കവെ ദീപക് കുഴഞ്ഞുവീഴുകയായിരുന്നുവെന്ന് മാതാപിതാക്കള്‍ പറഞ്ഞതായി പൊലീസ് വ്യക്തമാക്കി. ഉടനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
കാലിന് ശേഷിയില്ലാത്ത ദീപക്, വീട്ടില്‍ പബ്ജി കളിക്കുന്നത് സ്ഥിരമായിരുന്നു. കാര്‍ഡിയാക് അറസ്റ്റ് സംഭവിച്ചതാകാം മരണകാരണമെന്നാണ് പ്രാഥമിക നിഗമനം. സംഭവത്തില്‍ കേസ് രജിസ്റ്റര്‍ ചെയ്ത പൊലീസ്, അന്വേഷണം ആരംഭിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ