ഇരയെ പിടിക്കാന്‍ പുലിക്ക് പ്രത്യേക വൈഭവമാണ്. മരത്തിന്റെ മുകളില്‍ പോലും പുലിയാണ് മുന്നിലെങ്കില്‍ ഇരയ്ക്ക് രക്ഷയില്ല. മരത്തിന്റെ മുകളില്‍ കയറിയും ഇരയെ വിദഗ്ധമായി പിടികൂടുന്ന പുലിയുടെ ദൃശ്യങ്ങള്‍ നിരവധി പുറത്തുവന്നിട്ടുണ്ട്. ഇപ്പോള്‍ മാനിനെ ചാടി പിടികൂടുന്ന പുലിയുടെ ദൃശ്യങ്ങളാണ് വൈറലാകുന്നത്. ഈ വീഡിയോ കണ്ടാല്‍ പുലി പറക്കുകയാണോ എന്ന് ചിന്തിച്ചാല്‍ പോലും തെറ്റു പറയാന്‍ കഴിയില്ല .

സുശാന്ത നന്ദ ഐഎഫ്എസാണ് വീഡിയോ പങ്കുവെച്ചത്. പുലിയെ കണ്ട് മാനുകള്‍ കൂട്ടത്തോടെ ഓടുന്നതാണ് വീഡിയോയുടെ തുടക്കത്തില്‍. തൊട്ടുപിന്നില്‍ കുതിച്ചുപായുന്ന പുലി ഒരു മാനിനെ ചാടി പിടികൂടുന്നതാണ് വീഡിയോയുടെ അവസാനം. 

പുലിയെ കണ്ട് ചാടി രക്ഷപ്പെടാന്‍ ശ്രമിക്കുന്ന മാനിനെ ഒറ്റ കുതിപ്പില്‍ പിടികൂടുന്നതാണ് വീഡിയോയുടെ ഉള്ളടക്കം.