ചണ്ഡിഗഢ്: പത്താംനിലയിലെ ബാല്‍ക്കണിയില്‍നിന്ന് ഒന്‍പതാംനിലയിലേക്ക് മകനെ സാരിയില്‍ കെട്ടിയിറക്കി അമ്മ. ഉണങ്ങാനിട്ടിരുന്ന തുണിയെടുക്കാനാണ് പ്രായപൂർത്തിയാകാത്ത മകനെ അമ്മ കെട്ടിയിറക്കിയത്. ഹരിയാനയിലെ ഫരീദാബാദിലാണ് സംഭവം.
അടുത്തുള്ള ഫ്ളാറ്റിൽ നിന്ന് ഒരാൾ പകർത്തിയ വിഡിയോയാണ് സമൂഹമാധ്യമങ്ങളിൽ വൈറലായിരിക്കുന്നത്. സെക്ടര്‍ 82-ലെ സൊസൈറ്റിയിലെ ഫ്‌ളാറ്റിലാണ് സംഭവം നടന്നത്. താഴത്തെ ഫ്‌ളാറ്റില്‍ ആള്‍ത്താമസമില്ലെന്ന കാരണം കൊണ്ടാണ് കുട്ടിയെ ഉപയോഗിച്ചുള്ള ഈ സാഹസം.
മഞ്ഞ നിറത്തിലുള്ള ഒരു സാരി കൊണ്ടു കെട്ടിയാണ് മകനെ താഴത്തെ നിലയിലേക്ക് ഇറക്കിയത്. തിരിച്ചുകയറുന്ന കുട്ടിയുടെ കൈയിൽ പച്ചനിറത്തിലുള്ള വസ്ത്രവും കാണാം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ