മുംബൈ: ശക്തമായ തിരമാലയെ തുടര്‍ന്ന് നിയന്ത്രണം നഷ്ടപ്പെട്ട ബോട്ടില്‍ നിന്ന് കടലില്‍ വീണ വിദേശ വനിതയെ രക്ഷിച്ചു. തീരദേശ പൊലീസിന്റെ നേതൃത്വത്തിലായിരുന്നു രക്ഷാപ്രവര്‍ത്തനം.
മുംബൈ ഗേറ്റ് വേ ഓഫ് ഇന്ത്യയ്ക്ക് സമീപമാണ് സംഭവം. ഉയര്‍ന്ന തിരമാലയില്‍പ്പെട്ട് നിയന്ത്രണം നഷ്ടപ്പെട്ട ബോട്ടില്‍ നിന്ന് വിനോദസഞ്ചാരി കടലില്‍ വീഴുകയായിരുന്നു. ഇതറിഞ്ഞ് സംഭവസ്ഥലത്തെത്തിയ തീരദേശ പൊലീസിന്റെ നേതൃത്വത്തിലാണ് യുവതിയെ രക്ഷിച്ചത്.
മുങ്ങിതാഴ്ന്നു കൊണ്ടിരുന്ന യുവതിയെ രക്ഷിക്കുന്ന ദൃശ്യങ്ങള്‍ പുറത്തുവന്നിട്ടുണ്ട്. ലൈഫ് ജാക്കറ്റിന്റെ സഹായത്തോടെ കടലില്‍ പൊങ്ങിക്കിടന്ന യുവതിയെ കയറിട്ട് കൊടുത്ത് ബോട്ടിലേക്ക് വലിച്ചുകയറ്റുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ