ചെന്നൈ: സഹനടിയെ ലൈംഗികമായി പീഡിപ്പിക്കാന്‍ ശ്രമിച്ച കാമറാമാൻ അറസ്റ്റിൽ. വത്സരവാക്കത്താണ് സംഭവം. ഓംശക്തിനഗറിലെ കാശിനാഥന്‍(42) ആണ് അറസ്റ്റിലായത്. സിനിമയില്‍ നായികയാവാന്‍ അവസരം ഒരുക്കിത്തരാമെന്നു പറഞ്ഞാണ് ഇയാൾ ഇരുപത്തിരണ്ടുകാരിയായ സീരിയല്‍ സഹനടിയെ പീഡിപ്പിക്കാന്‍ ശ്രമിച്ചത്.
ഏതാനും മാസങ്ങൾക്ക് മുമ്പാണ് ഇരുവരും പരിചയപ്പെട്ടത്. സംവിധായകരുമായി അടുപ്പമുള്ള കാശിനാഥൻ നടിയോട് നായികയാക്കാമെന്നും ഫോട്ടോഷൂട്ടിനായി വീട്ടില്‍വരണമെന്നും പറഞ്ഞു. ഇതനുസരിച്ച് നടി ഞായറാഴ്ച കാശിനാഥന്റെ വീട്ടിലെത്തി. ഈ സമയം മദ്യലഹരിയിലായിരുന്ന അയാള്‍ നടിയെ ലൈംഗികമായി പീഡിപ്പിക്കാന്‍ ശ്രമിച്ചു. കുതിറിമാറി ഓടിരക്ഷപ്പെട്ട നടി വത്സരവാക്കം പൊലീസിൽ പരാതി നൽകുകയായിരുന്നു.
ഈ വാർത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ