പട്‌ന: ബിഹാറില്‍ കല്യാണം കഴിഞ്ഞ് ഒരാഴ്ച മാത്രമായിരിക്കേ, നവവധു കാമുകനൊപ്പം ഒളിച്ചോടിയതായി പരാതി. ഭര്‍ത്താവിനൊപ്പം ചന്തയില്‍ പോയ സമയത്ത്, ഭര്‍ത്താവ് നോക്കിനില്‍ക്കേയാണ് കാമുകനൊപ്പം യുവതി ഒളിച്ചോടിയത്.
പോദ്ദര്‍ കോളനി നിവാസികളാണ് യുവദമ്പതികള്‍. ജൂണ്‍ 14നായിരുന്നു ഇരുവരുടെയും വിവാഹം. കഴിഞ്ഞദിവസം വൈകീട്ട് വള കടയില്‍ കൊണ്ടുപോകണമെന്ന് ഭാര്യ ആവശ്യപ്പെട്ടു. ഇതനുസരിച്ച് ഇരുവരും ചന്തയില്‍ പോയ സമയത്താണ് നവവധു കാമുകനൊപ്പം ഒളിച്ചോടിയത്.
ഭര്‍ത്താവിന്റെ കൈയില്‍ പിടിച്ചുനടന്ന നവവധു, അപ്രതീക്ഷിതമായി യുവാവിനെ തള്ളിനീക്കിയ ശേഷം അവിടെ കാത്തുനിന്ന കാമുകന്റെ കൈയില്‍ പിടിച്ച് ഓടുകയായിരുന്നുവെന്ന് പരാതിയില്‍ പറയുന്നു. അല്‍പ്പനേരം സ്തബ്ധനായി നിന്ന ഭര്‍ത്താവിനെ തിരിഞ്ഞുനോക്കി കൊണ്ട് തന്നെ പിന്തുടരരുത്‌ എന്ന് അഭ്യര്‍ഥിക്കുകയും ചെയ്തു. തുടര്‍ന്ന് കാറില്‍ കയറിയാണ് ഇരുവരും രക്ഷപ്പെട്ടത്.
കല്യാണത്തിന് ലഭിച്ച മുഴുവന്‍ ആഭരണങ്ങളും അണിഞ്ഞാണ് യുവതി ചന്തയിലേക്ക് പോയത്. മുഴുവന്‍ ആഭരണങ്ങളുമായാണ് യുവതി കാമുകനൊപ്പം കടന്നുകളഞ്ഞതെന്നും റിപ്പോര്‍ട്ടുകള്‍ വ്യക്തമാക്കുന്നു. യുവാവ് പൊലീസ് സ്റ്റേഷനില്‍ എത്തിയ ഭാര്യയ്‌ക്കെതിരെ പരാതി നല്‍കി. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ