ഹൈദരബാദ്: ബോയ്‌സ് ഹോസ്റ്റലില്‍ താമസിക്കുന്ന മൂന്ന് എട്ടാം ക്ലാസ് വിദ്യാര്‍ഥികളെ പാമ്പുകടിച്ചു. ഒരു വിദ്യാര്‍ഥി മരിച്ചു. ആന്ധ്രാപ്രദേശിലെ ജ്യോതിബ ഫൂലെ പിന്നോക്ക വിഭാഗ റസിഡന്‍ഷ്യല്‍ സ്‌കൂളിലെ വിദ്യാര്‍ഥികള്‍ക്കാണ് പാമ്പുകടിയേറ്റത്. പരിക്കേറ്റ രണ്ട് കുട്ടികള്‍ സമീപത്തെ ആശുപത്രിയില്‍ ചികിത്സയിലാണ്.
ആശുപത്രിയില്‍ തുടരുന്ന ഒരു കുട്ടിയുടെ ആരോഗ്യനില തൃപ്തികരമാണെന്ന് ഡോക്ടര്‍മാര്‍ അറിയിച്ചു. ഗുരുതരാവസ്ഥയിലുളള മറ്റൊരു കുട്ടി വെന്റിലേറ്ററില്‍ തുടരുകയാണ്
വിവരം അറിഞ്ഞതിന് പിന്നാലെ ഉപമുഖ്യമന്ത്രിയും പിന്നോക്കക്ഷേമ വിഭാഗം മന്ത്രിയുമായ പുഷ്പ ശ്രീവാണി ആശുപത്രിയിലെത്തി ആരോഗ്യനില ആരാഞ്ഞു. കുട്ടികള്‍ക്ക് മതിയായ ചികിത്സ ഉറപ്പാക്കണമെന്ന് നിര്‍ദേശം നല്‍കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ